Tbilisi Open Air - ეს არის ფესტივალი თავისუფალი და პასუხისმგებლიანი ადამიანებისთვის. მათთვის, ვისაც შეუძლიათ გაითავისონ და დაიცვან თავისუფლების საზღვრები, მათთვის, ვინც იკვეთებიან სხვა ადამიანებთან და პატივს სცემენ სხვების თავისუფლებას, მათთვის, ვინც სრული პასუხისმგებლობით ტკბებიან გასართობი აქტივობებით.

ნებისმიერი რასის, სქესის, ეთნიკური წარმომავლობის, რელიგიის, ასაკის, სექსუალური ორიენტაციისა და გენდერული იდენტობის მქონე ადამიანები ყოველწლიურად მოდიან აქ მხოლოდ და მხოლოდ ერთი რამისთვის - იზეიმონ ცხოვრება: ისიამოვნონ მუსიკით, იცეკვონ გათენებამდე და გაერთონ. ფესტივალზე მოდიან წყვილებით, ბავშვებით, მეგობრებით, მშობლებით. ჩვენთვის, ფესტივალის შემქმნელებისთვის, თითოეული მათგანი თანაბრად მნიშვნელოვანი და ძვირფასია.

Tbilisi Open Air-ის კარი ღიაა ყველასთვის, ვინც აფასებს და აღიარებს ადამიანის არსებობის, ბედნიერების, გართობისა და სიყვარულის უფლებას. მათთვის, ვინც არ განასხვავებს ადამიანებს, პატივს სცემს სხვების აზრსა და ზრუნავს გარემოზე.